தமிழில்

ஆளுங்கட்சி - எதிர்க்கட்சி

2010-04-27T18:14:00.002+05:30

ஆளுங்கட்சிக்கும் எதிர்க்கட்சிக்கும் என்ன வித்தியாசம்?
எதிர்க்கட்சி செய்யுற "பாரத் பந்த் (முழு அடைப்பு)" அடுத்த நாள் பேப்பர்ல செய்தியா கூட வராது. ஆளுங்கட்சி செஞ்சா அடுத்த நாள் பேப்பரே வராது.

பொண்ணு எந்த ஊரு?

2009-12-24T16:51:00.003+05:30

ஒன்னரை மணி நேரமா வரிசைல நின்னு டிக்கெட் வாங்கறப்போ கூட கால் வலிக்கல. ஆனா பின்னாடி ஒருத்தர் செல்போன்ல சத்தமா பேசி காது வலிதான் உயிர் போகுது. MSc(IT) முடிச்சுட்டு சாப்ட்வேர் கம்பெனில வேலை செய்றானாம் பையன் பெங்களூர்ல. அவனுக்கு பொண்ணு நல்ல இடமா பார்க்கச்சொல்லிட்டிருந்தார். பொண்ணு ITல வேலை செய்யக்கூடாதுன்றது பையனோட விருப்பம். திரும்பவும் எல்லாத்தையும் வீட்டுக்கு அனுப்பினாங்கன்ன, ஒருத்தராவது சம்பாரிக்கனுமே. ரொம்ப விவரம்தான்.
நல்ல வேலை அந்த புத்திசாலிக்கு இந்த ஐடியா வரல..2012ல உலகம் அழிய போகுதுன்னு, ஒரு வேற்று கிரகவாசிய கல்யாணம் செஞ்சுக்கிட்டா பிரச்சனை வரும்போது அங்க போயிடலாமில்லையா..

நல்ல காலம் பொறக்குது.. (அ) நேரம் சரியில்லையோ...

2009-12-17T22:33:00.001+05:30

எனக்கு மட்டும் ஏன் இதுமாதிரி நடக்கும்னு தெரியல.. இல்ல உங்களுக்கும் இப்படித்தானா? சில வருஷங்களுக்கு அப்புறம் இதுபோல திரும்பவும் நடக்குது. இது சில சமயம் ஒரு நல்ல விஷயம்னு நினைப்பேன். சில நேரம் பாக்கும் போதே பயமா இருக்கும். ஒருதடவை ரெண்டு தடவை நடந்தா ஒரு தற்செயலான நிகழ்வுன்னு விட்டுடலாம். ஆன இது வருஷக் கணக்கா நடக்குது. நடக்குது நடக்குதுன்னா அப்படி என்னதான்டா நடக்குது?

ஒன்னுமில்ல.. நான் டிஜிட்டல் கடிகாரங்களில் நேரம் பார்க்கும் போது, எண்கள் இரட்டையாக தெரிகின்றன இதுபோல..

01:01, 02:02, 03:03, 04:04 ........ 11:11, 12:12

உங்களுக்கும் தெரிவதுண்டா இதுபோல?

நாளை முதல் நான் அற்பனில்லை..

2009-11-20T22:45:00.002+05:30

காய்கறி வாங்கி வர அண்ணாநகர் கோவை பழமுதிர் வரை அருணும் நானும் போயிருந்தோம். பெங்களூர் கமெர்சியல் ஸ்ட்ரீட்டில் பார்த்த National Geographic's Bring Your Own Bag (BYOB) Campaign ஞாபகம் வர, துணிக்கடைகளில் கொடுக்கும் பையை எடுத்துச் செல்ல நினைத்திருந்தேன். நினைத்ததோடு சரி, போகையில் மறந்துவிட்டேன். பைகளை எடுத்து வருபவர்களுக்கு இரண்டு ரூபாய் தள்ளுபடியை, இதுபோன்ற காய்கறி கடைக்காரர்களும், ஸ்பென்சர்ஸ், மோர், ரிலையன்ஸ் போன்ற சூப்பர் மார்க்கெட்களும் தரலாம். பிளாஸ்டிக் பைகளின் உபயோகம் குறையும். சாக்கடைகளும் மழைநீர் வடிகால்களும் அடைத்துக்கொண்டு ஊர் நாறுவது பிளாஸ்டிக் பைகளால் தான். இரண்டு ரூபாய் தள்ளுபடி தருவதைவிட பிளாஸ்டிக் பைக்கு ஐந்து ரூபாய் வீதம் கூடுதலாக வசூலித்தால் Bring Your Own Bag நடைமுறைக்கு வரும். அதுவரை பிளாஸ்டிக் பையை கடைக்காரன் ஓசியாத்தரானே என்று வெறுங்கையை வீசிக்கொண்டு கடைக்கு வரும் அற்பங்களை நொந்துகொள்ள முடியாது.

இறைவனடி சேருதல்

2008-05-28T15:53:00.002+05:30

துக்க நிகழ்வுக்கு வருகையில் குழந்தைகளை கூட்டி வருவது உத்தமமானது அல்ல. ஏனெனில் அவர்களால் அந்த துக்கத்தை உணர முடிவதில்லை. நீண்ட நாட்களுக்கு பிறகு சந்தித்த மற்ற உறவுக் குழந்தைகளோடு சேர்ந்து சத்தமுடன் விளையாடுவதே அவர்கள் விரும்புவது. பெரியவர்களுக்கு அது பிடிப்பதில்லை. அச்சமயங்களில் அக்குழந்தைகளின் பெற்றோர்களின் பேரிலும் கசப்பு ஏற்படுகிறது. ஆனால் காவ்யா, என் உறவுக்காறப் பெண், 10 வயது, இவர்களில் அசாதாரணமானவள் . எளிதில் ஒட்டிக்கொண்டுவிட்டாள் என்னிடம். அவளுடனான ஒரு உரையாடல் என்னால் மறக்க முடியாதது.

"தாத்தாவுக்கு என்னாச்சு?", அவள்.
"தாத்தா செத்துட்டாங்க", நான்.
"செத்துட்டாங்கன்னா?"
"உயிர் விட்டுட்டாங்க"
"உயிர்ன்னா?"
"எப்படி சொல்லுறது உனக்கு? ஒரு சின்ன எறும்பும் இங்க இருக்கு. நம்மளும் இருக்கோம். ரெண்டு பேருக்குள்ளயும் ஏதோ ஒண்ணு பொதுவா இருக்கு. அது தான் உயிர். அது போயிடுச்சுன்னா செத்துடுவாங்க. அது நம்ம கண்ணுக்கு தெரியாது. கரெண்ட் மாதிரி", நான் அவளுக்கு புரியாத பாஷையில் பேசினேன்.
"அப்ப சாமி கண்ணுக்கு தெரியுமா?"
"அதுதான் சாமியே!"
ஏனோ அவள் கேள்வி கேட்பதை நிறுத்திவிட்டாள்.

பொம்பளப் புள்ள யாருது?

2008-04-21T21:27:00.005+05:30

(முன் குறிப்பு: கதை 2033ல் நடப்பதாக கற்பனை செய்துகொள்ளவும்.)

"இனி ஒன்னும் பயமில்லம்மா, ஆப்ரேஷன் நல்லபடியா முடிஞ்சுது. இன்னும் ஒரே வாரத்துல அவர வீட்டுக்குக் கூட்டிட்டுப் போகலாம்."
கண்களில் நன்றியை மீறிய ஏதோ உணர்வுடன் டாக்டரைப் பார்த்துக் கொண்டே இருந்தாள் ஃபரீதா.

"டாக்டர், உங்க வீட்டிலிருந்து போன்!" வெளியே வந்த டாக்டர் கோமதியிடம் நர்ஸ் சொன்னாள்.

"இவங்க கணவரை இன்னும் ஆறு மணி நேரம் அப்சர்வேஷ்ன்ல வையுங்க.", என்று நர்ஸிடம் கூறிவிட்டு வேகமாக ரிசப்ஷன் நோக்கி நகர்ந்தாள் டாக்டர் கோமதி இளங்கோ.

"ஹலோ, சொல்லும்மா..." எதிர்முனையில் அவளது அம்மா காமாட்சி.
"கோமதி, உங்கப்பாவும் நானும் ஆஸ்பத்திரிக்கு வந்துகிட்டிருக்கோம்"
"என்னாச்சும்மா?"
"உங்கப்பாவுக்கு கையில அடி"
"எப்படிம்மா? என்னாச்சு?"
"அதுக்கெல்லாம் நேரமில்ல. நேர்ல சொல்றேன்"
"நான் ஆம்புலன்ஸ் அனுப்பட்டுமா?"
"வேணாம். நாங்க வந்துடுறோம்."
இணைப்பு துண்டிக்கப்பட்டது.

பதற்றத்துடன் காத்திருந்தாள். பதினைந்து நிமிடத்தில் என்னெனன்்னவோ பயங்கரமாக கற்பனைகள் செய்துவிட்டாள். வாசலில் வந்திரங்கிய அப்பாவைப் பார்த்ததும் தான் நிம்மதிப் பெருமூச்சு.

அப்பாவைக் கைத்தாங்கலாக கூட்டி வருவது…. அட முகமது. அவள் முகம் மலர்ந்தது. முகமது அவளது பள்ளித் தோழன். தோழன் என்பதைவிட அவளது உடன்பிறவா சகோதரன்.

அப்பாவுக்கு முதலுதவி செய்துகொண்டே முழு விவரத்தையும் அம்மாவிடம் கேட்டுக்கொண்டிருந்தாள் கோமதி.
"இவருக்கு வயசாயிடுச்சே தவிர இன்னும் ரோட்ட க்ராஸ் பண்ணக்கூடத்தெரியலடி. இந்த தம்பி இல்லன்னா இந்நேரம்…" என்று கேவினாள்.

நன்றி கூற வாயெடுத்த கோமதியை இடைமறித்து, "என்ன கோமதி இது. என் அப்பாவுக்கு செஞ்சிருக்க மாட்டேனா? விடு. தலைக்கு வந்தது தலைப்பாகையோடு போச்சு."
"நீ டாக்டரா இருக்கறது எனக்கு தெரியாது. அதுவும் இந்த ஹாஸ்பிட்டல்ல. எங்கப்பாவைக்கூட இங்கதான் அட்மிட் செய்திருக்கோம் ஆப்ரேஷனுக்காக", தொடர்ந்தன்.

"இங்கயா? எனக்கு தெரியாமயா?"

"இப்பதான் அவருக்கு ஆப்ரேஷன். அவர பார்க்கத்தான் வந்துட்டிருந்தேன். வழியில ஆக்ஸிடென்ட கவனிச்சதும் இவங்கள இங்க கூட்டிட்டு வந்த்தேன்."

"உங்க அப்பா பேரு அன்சாரியா?"

"ஆமா. உனக்கு எப்படித் தெரி…யும்?", புரிந்தது அவனுக்கு.

"ஒன்னும் கவலைப்படாதே! நான் தான் அவருக்கு ஆப்ரேஷன் பண்ணின டாக்டர். இப்ப ரொம்ப நல்லா இருக்காங்க. வா போய் பார்க்கலாம்"

மகனுடன் உள்ளே வந்த டாக்டரைக் கண்டதும் எழுந்து நின்றாள் ஃபரீதா. அவளை உட்காரச்செய்துவிட்டு தன் பெற்றோரை அவளுக்கு அறிமுகப்படுத்தினாள் டாக்டர் கோமதி.

காமாட்சியையும், இளங்கோவையும் கண்ட ஃபரீதாவுக்கு இருபத்தைந்து வருடம் முன்பு நடந்தது நினைவுக்கு வந்தது. அவர்களிருவரின் நினைவிலும் அதே ஓட்டம். காமாட்சியும், ஃபரீதாவும் ஒரே நேரத்தில் கவர்மெண்ட் ஆஸ்பத்திரியில் பிள்ளை பெற்றது, இருவரும் பெற்ற குழந்தைகள் தவறுதலாக மாறிப்போனது, ஆண் குழந்தை தான் தன்னுடையது என்று இரு குடும்பத்தாரும் முறையிட்டது, பெண் குழந்தை ஒருவருக்கும் வேண்டாமல் போனது, பின்னர் அறிவியல் முறைப்படி ஆராய்ந்து ஆண் குழந்தை ஃபரீதாவுடையதென்றும், பெண் குழந்தை காமாட்சியினுடையதென்றும் தீர்ப்பானது இருவர் நினைவிலும் நிழலாடியது.

"கண்களில் கசிந்த கண்ணீரைத் துடைத்துக் கொண்டு, என் வயித்துல பிறக்காட்டியும் என் புருஷனை காப்பாத்துன நீதான்டி என் பொண்ணு", என்று கோமதியைக் கட்டிக் கொண்டாள் ஃபரீதா.

அதெப்படி, இவ என் பொண்ணுதான் என்று ஃபரீதாவிடம் சண்டைக்குத் தயாரானாள், காமாட்சி.

எதுவும் விளங்காமல் விழித்தனர் கோமதியும், முகமதும்.

(பின் குறிப்பு: இந்தக் கதையில் வரும் அனைத்து பெயர்களும் கதாப்பாத்திரங்களும் கற்பனையே. யாரையும் குறிப்பிடுவன அல்ல!)

ரூபாயின் மதிப்பு எவ்வளவு?

2008-04-09T23:14:00.002+05:30

முடி வெட்டிக்க சலூனுக்குப் போயிருந்தேன் (வேறெங்கடா போவாங்க?). முடி வெட்டுறவன் வேறொருத்தங்கிட்ட சொல்லுறான், "டேய்! அம்பது ரூவா எடுத்துட்டுப் பாரிஸிக்குப் (தமிழில் பாரிமுனை) போயிருந்தேன் ராத்திரி." அதுக்கு அவன் சொல்லுறான், "நீயும் நம்ம வேலு மாதிரி ஆயிடாதடா. அவன் இப்பவே AIDS வந்தவன் மாதிரி இருக்கான்." அதுக்கு முதலாமவன் சொன்னான், "வேலு பெரியாலுடா! பாத்தே சொல்லுறான் இது அம்பது ரூவா, இது அருவத்தஞ்சு, எழுவத்தஞ்சுன்னு. பதிமூனு ரூவாய்க்குகூட ஒன்னு காம்பிச்சான். போலாமாடா இன்னக்கி ராத்திரி?".
Value for money என்பதை இவ்வளவு தெளிவாக யாரும் புரியவைக்க முடியாது.

இந்த song dedicated to...

2008-03-19T23:16:00.002+05:30

டேய் பொழப்பத்தவனே! எஃப் எம் ரேடியோக்கு போன் பண்ணி, "என் கேர்ள் ஃபிரண்டோட காலர் டியூன் இரவாப் பகலா குளிரா பாட்டு. அத போடுங்க"ன்னு கேக்குற. உங்கப்பன் யாருக்கோ போன் பண்ணி உன் காலேஜ் பீஸ் கட்ட கடன் கேக்குறார்டா...

கற்றது தமிழ் (சினிமா)

2008-02-21T09:59:00.000+05:30

பாதிக்கும் அதிகமான தமிழர்கள் கேட்டிராத தமிழ்ப் பாடல்களையெல்லாம் தண்ணியடித்துவிட்டு தனியாக காரில் போவோரிடம் ஒப்பிக்கும் தமிழ் வாத்தியார், பிரபாகர். கால்சென்டரில் வேலை செய்பவரே அசந்துபோகும் அளவிற்கு ஆங்கிலம் பேசவும் தெரிந்திருக்கிறது அவருக்கு. ஆனால், தான் 2000 ரூபாய் சம்பளம் வாங்குவதற்கு காரணம் தான் தான் என்பது தெரிவதில்லை. படிப்பு அறிவை வளர்ப்பதர்க்காக மட்டுமே; வேலை வாங்கித்தர அல்ல என்பதை உணராத வாத்தியார். கைக்குட்டை விற்கும் அவரது கல்லூரி தோழர் பிழைக்கும் வழி தெரிந்திருக்கிறார்."பண்ணப் பழகடா பச்சைப் படுகொலை" என்று பாரதிதாசன் என்ன அர்த்தத்தில் சொன்னாரோ எனக்குத் தெரியாது. ஆனால், தான் 26 வயது வரை உடலுறவுகொள்ளாத காரணத்தால், கடற்கரையில் நெருக்காமாக அமர்ந்திருக்குமொரும் ஜோடியை சுட்டுக் கொல்ல பாரதிதாசன் சொல்லியிருக்க வாய்ப்பில்லை. "கற்றது தமிழ்", இயக்குனரின் இயலாமை அல்லது ஆற்றாமையின் வெளிப்பாடு, குமுறல்.

ஒட்டகக் கொம்ப எங்க காணோம்?

2008-01-07T19:06:00.000+05:30

"கால் முளைத்த கதைகள்" புத்தகம், குழந்தைகளுக்காக எஸ். ராமகிருஷ்னன் அவர்கள் எழுதியது.

தன்னிடமிருந்த அழகான வாலை குதிரைக்கும், கொம்பை எருதிற்கும் கொடுத்து ஏமாந்த ஒட்டகத்தைப் பற்றிய அரேபியப் பழங்குடி மக்கள் கூறும் கதை அதில் ஒன்று. கதையிலுள்ளது போல் ஒட்டகதிற்கு கொம்பும் வாலும் இருந்தால்?

இந்த படம் ஆனந்த் செய்து தந்தது.

கர்த்தர் தாமே எனக்கு முன்பாக போகிறவர்.

2007-12-30T10:50:00.000+05:30

கர்த்தர் தாமே எனக்கு முன்பாக போகிறவர்.

அவர் எப்போது கார் ஓட்டக் கற்றுக்கொண்டார்?

குறிப்பு: பைபிள் வசனங்களையோ கர்த்தரையோ நான் விமர்சிக்கவில்லை.

எப்படி இருந்த நான் இப்படி ஆய்ட்டேன்!

2007-12-19T23:19:00.000+05:30

ரென்டு நாளாவே நல்ல மழை. இப்பவும் மழை விடாததால கீழ இருக்க மளிகை கடையில போய் ஒரு பிஸ்கெட் பாக்கெட் வாங்கி சாப்பிட வேண்டிய நெலமை.

"அந்த மில்க் பிக்கீஸ் பிஸ்கெட் குடுங்க"
"..."
"இது பிரிட்டானியா தான", எக்ஸ்பையரி டேட்டைப் பார்த்துக்கிட்டே கடக்காரர்ட்ட கேட்டேன்.
அவர் ஒரு மாதிரி பாக்கவும், "பாக்கெட்லாம் மாத்திட்டாம் போல" என்று மீதி சில்லரையை வாங்கிட்டு வந்தேன்.

வீட்டுக்கு வந்து ஆசையா பாக்கெட்ட பிரிச்சா உள்ள வேற ஏதோ புது டிசைன்ல கட்டங்கட்டமா இருக்குது.

எங்க என்னோட பழைய பிஸ்கெட்ட காணோமேன்னு கூகுள்ல தேடும் போது கிடச்சது.

சுத்தி பூப்போட்டு நடுவுல "BRITANNIA" அப்படீன்னு எழுதிருக்கும். அம்மா அஞ்சு பிஸ்கெட் குடுத்தா கொஞ்சகொஞ்சமா பூவ முதல்ல சாப்பிட்டுட்டு அப்புறம் நடுவுல சாப்புடுற சுகம் இப்ப இருக்க சின்ன பசங்களுக்கு கிடைக்காது. நானா இல்ல என் தம்பியா, யாரு ரொம்ப நேரம் அந்த அஞ்சு பிஸ்கெட்ட சாப்பிட்டோம்ங்கிறது தான் கிளைமாக்ஸ்.

சிறுகதை எழுதுவது எப்படி?

2007-12-19T19:44:00.000+05:30

இன்று தினமலரில் (சென்னை பதிப்பு) பக்கம் 5ல் ஒரு செய்தி:

"அரசு விரைவு பஸ் டிக்கெட் முன்பதிவு தீவிரம்; பயணிகளை திசை திருப்ப புரோக்கர்களும் முகாம்"

செய்தியெல்லாம் சரிதான். அதில் ஒரு சிறுகதையும் சேர்த்து செய்தியை சுவாரசியமாக்கியிருக்கிறார்கள்.

பெண்களை அங்கு உரசியதகவோ அல்லது சீண்டுவதகாவோ யாரும் புகார் கூறியதற்கான சான்று அளிக்கப்படவில்லை. வெறும் போட்டோகிராபர் கொண்டு வந்த புகைப்படத்தை வைத்துக்கொண்டு, ஆபீஸில் அமர்ந்தே கொஞ்சம் கற்பனை கலந்து எழுதப்பட்ட செய்தி இது என்பது என் கருத்து.

மேலும் அத்தகைய சந்தர்ப்பங்களில் அவ்வாரு செய்யக் கூடிய ஒரு ஆணின் கற்பனையாகவே இதை எடுத்துக் கொள்ள முடியும்.

குறிப்பு: இரண்டு வருடங்களாக நான் தினமலர் வாசகன். இந்த செய்தியை எழுதியவர் யாரென்பது எனக்கு தெரியாது. அவர் மீது எனக்குத் தனிப்பட்ட விரோதமோ அல்லது தொழில் விரோதமோ கிடையாது. இதை ஒரு வாசகனின் கருத்தாக தினமலர் எடுத்துக்கொள்ள வேண்டுகிறேன். ஆட்சேபித்தால் மேலுள்ள இரு படங்களையும் எடுத்துவிடுகிறேன்.

எம்ஜியார் செக்கிழுத்தாரா?

2007-12-15T23:36:00.000+05:30

சின்னப்பிள்ளத்தனமா இருக்கு! கீ போர்டு இருக்குங்கறத்துக்காக என்ன வேணும்னாலும் டைப் பண்ணிடறதா? எம்ஜியார் செக்கிழுத்தாரா இல்ல மஞ்சளரைச்சி கொடுத்தாரா? எப்படிடா சொல்லாலாம் நீங்க அவரு சுதந்திர போராளின்னு?

இவர்தான் அது!

உயர் அதிகாரி: நிர்வாண படம்

2007-12-12T23:11:00.000+05:30

இன்னக்கி எக்கனாமிக் டைம்ஸ்ல இந்த கார்ட்டூன் பாத்தேன்.

எல்லா பாஸுமே இப்படி தான் இருப்பாங்க போல. நம்ம பாயிண்ட கொஞ்சம் சத்தமா சொன்னா தப்பாயிடுது. அதுக்குன்னு புடிச்சி தொங்கிக்கிட்டு இருக்கனுமா என்ன?

பேசத்தெரிஞ்சவங்க

2007-12-12T00:05:00.000+05:30

ஒரு லட்ச ரூபாய் காரை மட்டந்தட்ட நினைச்சிருக்காரு சுசுகி. அதுக்கு நேக்கா பதில் குடுத்திருக்காங்க டாடா. பேசத்தெரிஞ்சவங்க.

In a veiled criticism of Tata Motors’ proposed Rs1 lakh car, Suzuki said the quest for lower pricing should not lead to a compromise in quality and safety norms. "In case there is a sacrifice on safety and emission norms, the manufacturer does not truly soldier the responsibility of an auto manufacturer,” he said.

Reacting to Suzuki’s remarks, a Tata spokesperson said: "As an auto manufacturer of more than 60 years' standing, Tata Motors is conscious of its responsibilities, and all its vehicles have met and will meet all the norms and regulations of the countries where they are marketed.

Source: Hindustan Times

ஆரம்பிசிட்டாங்கடா இங்கையும்

2007-12-11T22:31:00.000+05:30

இங்கிலிஸ்காரன் மாதிரி டிரஸ் பண்றது மட்டுமில்ல... புதுச ஒண்ணும் ஆரம்பிச்சிருக்கோம் இப்ப நாங்க.... Boy shoots classmate...
8th grader took dad's gun...

மணி கேக்குறானாம் மணி

2007-11-06T21:51:00.000+05:30

பேச்சு வழக்கில்:

என்னய பாத்தா மணிக்கூண்டு மாதிரி தெரியிதா இல்ல அலாரம் மாதிரி தெரியுதா... ராத்திரி சாப்பிட பேறப்பல்லாம் எதுத்த வீட்டு வாட்ச்மேன் என்கிட்ட டைம் கேக்குறான்... எப்படி அதே போஸ்ல மனுஷன் டெய்லி உக்காந்துருக்கானோ தெரியல...

தமிழில்:

என்னைப் பார்க்கையில் மணிக்கூண்டு போலவோ அல்லது விழிப்பான் போலவோ அவனுக்குத் தெரியலாம். இரவு உணவுக்காக தினமும் நான் போகையில் எதிர் வீட்டு காவலாளி, என்னிடம் மணி கேட்கிறான். எப்படி தினமும் ஒரே நிலையில் அமர்ந்திருக்க முடிகிறதோ அவனால்?

கவிதை நடையில்:
வரி வரியா அடுத்தடுத்து எழுதுவதும் கவிதை

குழம்பிய குட்டையில்
கல் எரிவதுன்
பொழுதுபோக்கா?
பல சிந்தனைகளாய்
கால் நடக்கிறேன்.
குறிபார்த்து கேட்கிறாய்
என்னையே தினமும்.
"மணி என்ன?".

நிதம் நான்
வருகிற நேரம்
உனக்கெப்படி சரியாகத்
தெரிந்திருக்கிறது?
கடிகாரம் இருக்காது
உன்னிடம்.
ஆனாலும் நீ
எதிர்வீட்டு "வாட்ச்"மேன்.

ஹைக்கூ வடிவில்:

இன்றும் என்னிடம்
மணி என்னவென்று
கேட்டார் "வாட்ச்"மேன்.

இன்னோரு ஹைக்கூஉஊ...

2007-10-08T15:54:00.000+05:30

தாழப் பறக்கும்
தட்டான்பூச்சி...
முகத்தில் மழைத்துளி.

சிறந்த அறுபது புத்தகங்கள்?

2007-08-28T21:33:00.000+05:30

இந்திய சுதந்திரதிற்கு பிறகு எழுதப்பட்ட சிறந்த அறுபது புத்தகங்கள் என்ற வரிசையில், சுந்தர ராமசாமி அவர்களின் "ஜே ஜே : சில குறிப்புகள்" மற்றும் பாமா அவர்களின் "கருக்கு" ஆகிய இரு தமிழ் நூல்கள் மட்டுமே இடம் பெற்றுள்ளன. இது, தரவரிசைப்படுத்திய அருந்ததி ராய் அவர்களின் அறிவுக்கு எட்டிய வரை மட்டுமே. அவருக்குத் தெரியாத எத்தனையோ சிறந்த பல நூல்கள் தமிழிலும் மற்ற மொழிகளிலும் இருக்ககூடும். *Conditions Apply என்றொரு Disclaimer கட்டுரையின் முடிவில் வைத்திருக்கலாம்.
(இவ்விரு தமிழ் நூல்களையும் படிக்கும் வாய்ப்புக்காகக் காத்திருக்கிறேன்.)

சாமியே நீதான் நாட்டக் காப்பத்தனும்

2007-08-15T18:47:00.000+05:30

இன்று சுதந்திர தின விடுமுறைங்கறதால திருவண்ணாமலை கிரிவலம் வரலாம்னு இரவு 12.00 மணிக்கு பஸ் புடிச்சி கிளம்பினோம். நரேஷும் நானும். கிரிவலம் வருவதாக ஒரு வேண்டுதல். தள்ளிப்போகக் கூடாதுங்கறத்துக்காக போய்ட்டுவந்தேன். நரேஷும் வந்ததால நல்லபடியா முடிஞ்சி வந்த்தாச்சு.
ராஜகோபுரம் வழியா நுழைந்ததும் வலது புறத்துல என்ன விக்ரகம்னு கவனிக்க மறந்துட்டேன்.

ஆனா அந்த சாமி தான் நாட்டக் காப்பத்தனும்.

திருவண்ணாமலை புது பஸ் நிலையம் எதிரில் உள்ள கல்லறையில் கண்டது...
செத்தவங்களாயாவது சொகமா இருக்க விடுங்களேன். அதுல சேரு இது சேருன்னு... வேற எடமே இல்லயா விளம்பரம் பண்ண....

குறி பாத்து சுடுங்கடா, டேய்!

2007-07-29T19:39:00.000+05:30

"பூமா" - ஒரு மல்டிநேஷனல் கம்பெனின் விளம்பரத்தில், இந்திய கம்பெனியான "மாருதி ட்ரூ வேல்யூ"வின் லோகோ எப்படி?
1. பூமா கம்பெனி காதுல பூவ சுத்திட்டு, ஏதோ ஒரு சப்ப விளம்பர கம்பெனி இந்த விளம்பரத்தை டிசைன் பண்ணியிருக்கனும். இல்ல,
2. பூமா கம்பெனியே, பரவால்ல இந்த லோகோக்கு நல்ல மரியாதை இருக்கு. நம்மளும் இத சுட்டு பயன்படுத்திக்கலாம்னு நினைச்சிருக்கனும். இல்ல,
3. உண்மையாவே இந்த லோகோ மாருதியுடையதுன்னு, பூமாவிற்கும், விளம்பரக் கம்பெனிக்கும் தெரியாம இருக்கனும்....
குறி பாத்து சுடுங்கடா, டேய்!

சுப லாபம்

2007-07-25T12:51:00.000+05:30

எங்களுக்கு எந்த லாபமும் இல்லை. நீங்கள் மட்டும் பயனடையுங்கள்.... இந்த மாதிரி வசனத்துக்கல்லாம் ஏமாற யாரும் தயாரா இல்ல.

"We Share our our profits with you..."
எங்களுக்கு கிடைக்கும் லாபத்தை உங்களுக்கு பகிர்ந்தளிக்கிறோம்னு சொன்னா நம்ப வாய்ப்பிருக்கு....

வந்துச்சிடா வாழ்வு....

2007-07-23T21:59:00.000+05:30

இந்த ஆன்லைன் விளம்பரத்துல தமிழ் படும் பாட பாருங்க...

சிவசங்கர்கிட்ட கொஞ்ச நாள் முன்னாடி தான் சொல்லிட்டு இருந்தேன், இன்டெர்நெட்ல தமிழ் மற்றும் மற்ற இந்திய மொழி சம்மந்தமான வேலைகள் / தொழில்கள் / பிஸினஸ்கள் அதிகரிக்கும்னு. அதாவது பொழுதுபோக்காக அல்லது சிந்தனைகளை வெளிப்படுத்த எழுதுவவர்கள் அல்ல. இதை தொழிலாக செய்பவர்கள், உதாரணம் மொழிபெயர்ப்பாளர்கள் மற்றும் ப்ரூஃப் ரீடர்கள் வேலைக்கான தேவை அதிகரிக்கும்....

இப்ப என்னா சொல்ல வர்ற...

2007-07-20T19:31:00.000+05:30

ஓட்டல் சர்வர் மற்றும் விவசாயி... இவங்க கைக்கு எட்டுவது வாய்க்கு எட்டாது...
சர்வர் எல்லாத்துக்கும் வகையான சாப்பாடு எடுத்துட்டு வந்து கொடுக்குறான், ஆனா அவனுக்கு அத்தைனயும் சாப்பிடக் கொடுத்துவக்கல....
விவசாயி பொன்னி, ஜீரகம்னு பயிர் பண்ணி பணக்காரங்க சாப்பிடகொடுக்கிறான், அவனுக்கு கொடுத்துவக்கல...

இப்ப என்னா சொல்ல வர்ற...

மன்னிச்சிக்குங்க போலீஸ்கார்...

2007-07-15T11:42:00.000+05:30

தெரியாமத்தான் கேக்குறேன்னு ரொம்ப டூமச்சா கேள்வி கேட்டுட்டேன். மன்னிச்சிக்குங்க போலீஸ்கார்...

இந்த போட்டோவ பாருங்க...

நம்ம கஷ்டப்பட்டு சம்பாரிச்ச காசு எப்படில்லாம் திருடு போற வாய்ப்பு இருக்குன்றத படம் போட்டு காமிச்சிருக்காங்க... இதப்படிச்சாவது நம்ம மக்கள் உஷாரா இருக்காங்களான்னு பாக்கனும். இந்த கிரியேட்டிவான ஐடியாவ பண்ணின டீமுக்கு பாராட்டு! பாராட்டு! பாராட்டு! மக்கள்ட நல்ல பேர் வாங்க இதே மாதிரி இன்னும் நிறைய பண்ணனும், போலீஸ் மேல நம்பிக்கைய கொண்டு வரனும்....

புதியதொரு விளம்பர ஊடகம்

2007-06-11T10:03:00.000+05:30

நேத்து நரேஷ் ரூம்க்கு போயிருந்தேன். ஏதாவது இன்னொவேட்டிவா பண்ணனும்னு அவன்கிட்ட பேசிக்கிட்டு இருக்கும் ஒரு ஐடியா க்ளிக் ஆச்சு. அதாவது, இப்போ யாரோட மொபைல் போன்க்கு கால் பண்ணும் போது, நமக்கு சினிமா பாட்டு கேட்டற மாதிரி வசதி காலர் டியூன்ஸ் / ஹலோ டியூன்ஸ்ல இருக்கு. அதையே இன்னொரு கொஞ்சம் மாத்தி, யாருக்காவது போன் பண்ணினா விளம்பரம் கேட்குற மாதிரி வசதி பண்ணலாம். இதுக்கு ஈடா மாசா மாசம் ஒரு 30 இல்ல 50 ரூபாய் டாக்டைம் அந்த மொபைல் சப்ஸ்க்ரைபருக்கு சர்வீஸ் ப்ரொவைடர் கொடுக்கலாம். எந்த மாதிரியான பொருட்களுக்கான விளம்பரங்கள் வரலாம்னு மொபைல் சப்ஸ்க்ரைபரே தேர்ந்தெடுக்கும் வசதியும் வெக்கலாம்.

இன்னக்கி இல்லன்னாலும் வெகுசீக்கிரம் இந்த ஊடகம் பிரபலம் ஆகும்....

பயோமெட்ரிக் கிரெடிட் கார்ட்

2007-05-30T21:38:00.000+05:30

ஒரு மீட்டிங்காக லேட்டாய்டுச்சேன்னு அவசரமா வண்டில போய்கிட்டு இருக்கும் போது, பாக்கெட்ல போன் அடிக்குது. வண்டிய ஓரங்கட்டிட்டு எடுத்துப்பாத்தா எதோ லாண்ட்லைன் நம்பர். சந்தேகத்தோட தான் ஆன்ஸர் பண்ணேன். "சார், எச் எஸ் பி சீ ல இருந்த்து கால் பண்றேன். லைப்டைம் ஃப்ரீ கார்டு ஆஃபர் பண்றோம்." ப்ளீஸ் வேண்டாம் என்ன விட்ருங்கன்னு சொல்லிட்டு கிளம்பினேன்.

கொஞ்ச தூரம் போனதும் ஒரு ஐடியா தோணிச்சு! ப்ளாஸ்டிக் கார்டுக்கு பதிலா பயோமெட்ரிக் கார்டு தந்தா என்ன. கடைங்கள்ல வெறும் நம்மோட கைரேகைய ஸ்கான் பண்ணி, பணம் செலுத்தற மாதிரி இருந்தா எப்படி இருக்கும்... இதிலயே ஆன்லைன் ஷாப்பிங், ஏடிஎம்ல அப்புறம் மத்த கடைங்கள்லயும் வெச்சா நல்லா இருக்கும்.

முதல்ல, நம்ம கார்டை வேற யாரும் திருட்டுத்தனமாக பயன்படுத்துறதை தவிர்க்கலாம்.

ரெண்டாவது, ஒவ்வொருத்தரும் பர்ஸ் நெறைய 10 - 20 கார்ட் வெச்சுக்கனும்னு அவசியம் இருக்காது. நம்ம கைரேகையே எல்லா கார்டுக்கும் ஒரே அடையாளம்.

மாஸ்டர் கார்டு, வீசா கார்டு அப்புறம் ஆமெக்ஸ்ல வேள செய்ற மூலக்காரனுங்க இதெல்லாம் யோசிக்காமலா இருப்பாங்க. அப்படி இல்லான்னா, சபீர் பாட்டியா, கூகுள், ஆர்குட் இல்ல யூ ட்யூப் மாதிரி டெக்னோப்ரெனருங்க சீக்கிரமே இதயும் செய்வாங்க சீக்கிரமே...

இன்னக்கி World Cup Final...

2007-04-28T15:41:00.000+05:30

இன்னக்கி wold cup final...
Pointing - Jayavadane foto பாத்துக்கிட்டிருந்த்தப்ப தோனியது...

செய்தித்தாள் விளையாட்டுப்பக்கத்தில்
சச்சின் படம்
Canon Camera விளம்பரம்.

எப்படி நம்ம ஹைக்கூஉஊஊ......

புதுசு என்றாலும்...

2007-03-17T11:45:00.000+05:30

"புதியது" என்ற வார்த்தை, எத்தனை நூற்றாண்டுகள் பழையது....

நான் எங்க போவேன்?

2007-03-14T19:16:00.000+05:30

அவ நெனப்புல
அழுததை நெனச்சா
சிரிக்கத் தோணுது!

அவளோட சேந்து
சிரிச்சத நெனச்சா
அழுவயா வருது!

பாவி மக! இப்ப
சிரிக்கிறாளோ? அழுகுறாளோ?
அவ சிரிச்சிகிருந்தா சொர்க்கம்;
அழுதா நரகம் போவேன்!
-
-
-
வேற ஒருத்தன கல்யாணம் பண்ணாலும் அவ நல்ல இருக்கணும்னு வேண்டிக்கிறோமே, அவளவிட ஒரு நல்ல பொண்ணா நமக்கு கிடக்கணும்னு எவளாவது யோசிப்பாளா?

மகாபாரதம். பாடியவர்: மரண கானா விஜி

2007-01-03T20:33:00.000+05:30

"நீ பெருசுங்கிறே, அவன் சிறுசுங்கிறே...
நீ வஸ்தாதுங்கிறே, அவன் பிஸ்கோத்துங்கிறே,
செத்தா எவன் எங்க போவான் யாருக்குத் தெரியும்?
நிலையில்லாத வாழ்வுடா, நினைத்துப் பாரு மானுடா,
நாலு பேரு சொமக்குறான், நடுவில் ஒருவன் படுக்குறான்,

மாண்டு போன மனிதனே...
மரணம் சொகமா இருக்குதா?
தூக்கிச் சொமக்கும் மனிதனே...
சாவு சொமையா இருக்குதா?
இன்னிக்கிவர செத்தவனும் பதில் சொல்லல,
மத்தவனும் பதில் சொல்லல..."

மரண கானா விஜி சாவுக்கு படிக்கிற கானா இது.

சி. இராஜகோபாலாச்சாரி அவர்களின் மகாபாரதம் 5 வருஷம் முன்னாடி படிச்சிட்டு, எங்க அம்மாயிக்கிட்ட நான் சொன்னது இன்னும் நல்லா ஞாபகம் இருக்கு. இதப் படிச்சவன் எவனும் சக மனுஷனோட சண்ட போட மாட்டான்னு. திரும்ப படிக்கனும்னு ரொம்ப நாளா புத்தகத்த தேடிக்கிட்டிருக்கேன். மேல இருக்க கானா பாட்ட ஆனந்தவிகடன் 27.12.06 இதழ்ல படிச்சதும் மகாபாரதம் படிச்ச அதே உணர்வு.

நாசிம்மனும் நானும்

2006-12-31T13:52:00.000+05:30

பள்ளிக்கூடம் படிக்கும் போது மகாபலிபுரம் கூட்டிட்டுப் போனாங்க. அதுக்கப்புறம் ஒரு 15 வருஷம் கழிச்சி இப்போதான் போறேன். அந்த யானயும், நந்தியும் ஞாபகமிருக்கு.மத்ததெல்லாம் புதுசாதான் தெரியுது.
பள்ளிக்கூடத்துல சொல்லிக்குடுத்தாங்களான்னு தெரியல. ஆனா எனக்கு நிறைய சந்தேகம் இப்போ இருக்கு.

ரெண்டு கோபுரத்துல சின்னதுல கலசத்த உடச்சது யாரு? இல்ல செய்யும் போதே இப்படித்தான் செஞ்சாங்களா?

இந்த போட்டோவுல தெரியரது ஏதோ இயந்திரத்தை வச்ச இடம்மாதிரி இருக்கு. பள்ளம் சரியான சமதளம். அந்த காலத்துல கண்டிப்பா ரொம்ப சிரமப்பட்டு செஞ்சிருப்பாங்க.

படிப்பதற்கு வசதியாக கீழுள்ள இரு படங்களையும் க்ளிக் செய்து கொள்ளவும்.

ப்ளம்பர் அந்தோனி

2006-12-31T13:45:00.000+05:30

விஷேசமான போட்டோ:

ப்ளம்மர் அந்தோனி எதுக்காக வெங்கடாஜலபதி படத்த போட்டாரு?

எத்தன பேருடா கிளம்பிருக்கீங்க?

2006-12-31T13:22:00.000+05:30

மெட்ராஸ் வந்து ஒரு வருஷத்துக்கும் மேல ஆகுது. இப்போதான் மகாபலிபுரம் போக வாய்ச்சிருக்கு. அத்தை பசங்க ஸ்கூல் லீவுக்கு இங்க வந்தாங்க. அவங்களோட போயிருந்தேன். கோயம்பேட்லருந்து பஸ். சீட் புடிச்சி வசதியா உக்காந்ததும் ஒருத்தன் வந்து நோட்டீஸ மடில வெச்சிட்டுப் போனான்.

குஜராத்ல பூகம்பம் 2001ல வந்துச்சு. இப்போ 2007. முழுசா 6 வருஷமாச்சு அவன் தமிழ்நாடு வந்து. ஒரு ஊருல குடியேறி 6 வருஷத்துல பொழக்க வழிகண்டுபுடிக்க தெரியாத வக்கத்தவனுக்கு உதவி செய்ய மனசு வரல. இல்ல அடுத்தவங்க அனுதாபத்த கீறி பொழக்கறதயே பொழப்பா வச்சிருக்கானா தெறியல.
ஒரு ரூபா குடுக்க மனசில்ல. நீ என்னாத்துக்கு இந்த பேச்சி பேசிறன்னு கேக்கறீங்களா? நானுங்குடுத்தேன். ஒர்ரூபா ரெண்ரூபா இல்ல. முழுசா 100 ரூபா நோட்டு. 2000மாவது வருஷம். என் தாத்தா இறந்துட்டாருன்னு போன் வந்து பஸ் புடிச்சி போய்க்கிட்டு இருக்கேன். பக்கத்து சீட்ல உக்காந்த ஒரு 40 வயசு ஆளு, தான் ஒரு ஆடிட்டர்னும், ஒரு ஆஸ்ரமத்லர்ந்து வீட்டுக்குப் போறதாவும், பொண்டாட்டி மனநிலை சரியிள்ளாதவங்கன்னும், பஸ்க்கு காசு குடுத்தா ஊருக்குப்போய் மணியார்டர் அனுப்பறதாவும் சொன்ன பேச்ச நம்மி 100 ரூபா நோட்ட குடுத்தேன். கூடவே அட்ரசும் குடுத்திருந்தேன். வருஷம் 7 ஆச்சி. இன்னும் மணியார்டர் வரல.
இந்த அனுபவத்தோட நான் எப்படி இந்த குஜராத்காரனுக்கு 1 ரூபா குடுக்கறது.

மீட்டருக்கு மேல...

2006-12-20T12:26:00.000+05:30

அரசு சுயதம்பட்டம் அடித்துக்கொள்ளும் விளம்பரங்களை விடுத்து இது போன்ற பயனுள்ளவைகளையிட்டால்?....

ஜெயலலிதாவை சொன்னால் தி.மு.க ஆதரவாளனென்றும் கருணாநிதியை சொன்னால் அ.தி.மு.க ஆதரவாளனென்றும் என்னை நீங்கள் நிணைக்கக்கூடும் என்பதால், வசுந்தராராஜே!

ரஜினியின் முதுகில் சவாரி

2006-12-19T12:58:00.000+05:30

சென்னையில் ஹோர்டிங்களில், தினத்தந்தி பேப்பரில் இந்த விளம்பரங்களைப் ஒரு வாரமாகப் பார்க்க முடிகிறது. தினத்தந்தி, மாலைமலர் குழுமத்தைச் சேர்ந்த "ஹலோ FM"ன் விளம்பரம். இந்த விளம்பரதை வெளியிட்டிருக்கும் FM ரேடியோவிற்கு முதுகெழும்பு இல்லாததையே இவ்விளம்பரம் தெளிவுபடுத்துகிறது. ரஜினிகாந்த், கமல் போன்ற ஹீரோக்களின் Brand Equityயை கள்ளத்தனமாக பயன்படுத்தி அவர்கள் முதுகில் சவாரி செய்ய நினைத்திருப்பது அற்பத்தனம். இந்த விளம்பரத்தைத் தயாரித்திருக்கும் பிரபலமான விளம்பர கம்பெனியில் கற்பனை தீர்ந்துவிட்டதா இல்லை "ஹலோ FM" குழுமத்தின் ரசணை இவ்வளவு மட்டமானதா?

தெரியாமத்தான் கேக்குறேன்!

2006-12-11T14:38:00.000+05:30

தெரியாமத்தான் கேக்குறேன்!
நான் தப்பு பண்ணினா போலீஸ் கேப்பாங்க. போலீஸ் தப்பு பண்ணினா நாம கேட்கக் கூடாதா? சட்டத்தில இதுக்கு இடமில்லயா? நாம கேட்கக் கூடாதுன்னா அப்ப யார் கேட்கலாம்?

எனக்கொரு உண்மை தெரிஞ்சாகனும்!

2006-12-09T23:10:00.000+05:30

சிவசங்கர் தத்துவம் மாதிரியான ஒன்ன மெயில்ல அனுப்பிச்சிருந்தான். அத நீங்களும் தான் பாருங்களேன்.

கீழிருக்கும் வரி உண்மை.
மேலிருக்கும் வரி பொய்.

என்னடா இது ஒரே தத்துவார்த்தமா இருக்கே. ஒன்னும் புரியலயே!

அது உண்மை.
இது பொய்.
அப்போ அது பொய்,
இது உண்மை.
அப்படின்னா அது உண்மை...
இது பொய்.
சரி.. அப்போ அது பொய்...
இது உண்மை.
இது உண்மைன்னா அது பொய்.
அது பொய்ன்னா இது உண்மை.
அய்யோ!!!
டேங்ங்கொம்**... ஓங் குசும்புக்கு அளவேயில்லயா... வருவல்ல... அப்ப அடிக்கிறேன்டா ஆப்பு...

இது எந்த வகையிலும் சேராத ஒரு படைப்பு.
நீங்களும் வையுங்க சிவசங்கருக்கு ஆப்பு.

("குறும்பு" என்ற தலைப்பில் தேன்கூடு போட்டிக்காக)

முப்பது நாட்களில் இந்தி பாஷை

2006-12-04T20:51:00.000+05:30

இந்தி இனிய மொழி தான்.
மறுக்கவில்லை நான்.
பள்ளி வயதில் திணிக்கப்பட்டேன்.
திமிறினேன்.

வேலைதேடி நண்பனுடன் டில்லி செல்ல திட்டம்.
தமிழகத்தை தாண்டி முதல் பயணம்.

"முப்பது நாட்களில் இந்தி பாஷை"யை ரயிலிலமர்ந்து
மூன்றே நாளில் முடிக்கவெண்ணி தோற்றேன்.

அழகு தான் டில்லி.
கேட்காத ஒலியில், பார்க்காத வடிவத்தில் புதிய மொழி.
கூர்மையான காதுகள், கண்கள் தந்தது டில்லி.

முப்பது நாளில் இந்தி பாஷை
எளிதாய் வந்தது.

வேலைதேடி ஓய்ந்த வேலையில்
இந்தி சொல்லித்தந்தேன் தமிழர்க்கு
தமிழ் தந்தேன் "இந்தி"யருக்கு.

1. இந்தி கற்பது எளிது.
தேவைப்படும் போது கற்றுக் கொள்ளலாம். தமிழ்க் குழந்தைகள் ப்ராத்மிக் படித்து சாதிக்கக்கூடியது எதுவுமில்லை (சான்றிதழ் சேர்ப்பது தவிற). குழந்தைகள் வளர்ந்ததும் தேவையான மொழியை தானே கற்றுக் கொள்ளும்.
எதிர்காலத்தில் என் குழந்தைக்கு வடநாட்டில் வேலை கிடைத்தால் என்ன செய்வது என்று கேட்போருக்காக: தங்கள் குழந்தைக்கு ஜாப்பனீஸும் கற்றுக் கொடுங்கள். உலகமயமாக்களில் ஜப்பானிலும் வேலை கிடைக்கலாம்.

2. தமிழை இந்தி குழந்தைகளுக்கு சொல்லித்தருவதும் எளிது.
ஒவ்வொரு இந்தி கற்ற தமிழனும் ஒரு குழந்தைக்குத் தமிழைக் கற்றுத்தர உறுதியெடுக்கலாம். குறைந்தபட்சம் தமிழ் மீது பற்று அல்லது விருப்பம் ஏற்படுத்தலாம்.

குறிப்பு: இந்த பதிவை தேசிகன் சாரின் "तमिल" என்ற பதிவிற்கு பின்னூட்டமாகவும் வாசிக்கலாம்.

அய்யய்யோ, பாரதி!

2006-11-29T03:07:00.000+05:30

"எனக்கு யாரும் இல்ல. எனக்கு எந்த சந்தோசமும் இன்னமேல் தேவயில்ல. நான் இன்னைக்கு தூங்கமாட்டேன். கண்ல தண்ணி வந்தா எனக்கு தூக்கம் வராது. கஷ்டமாயிருக்கு. உன்னய கஷ்டப் படுத்தியிருந்தா மன்னிச்சிக்க."
-நான் மறுக்கையில் உன் பதில்.

" 'சுதா விஜய்' இல்ல 'சுதா விஜயகுமார்'. என் பேர் எப்படி வெச்சா உனக்குப் பிடிக்கும்? நீ எது சொல்றியோ. உன் இஷ்டம். எனக்கு ஓகே"
-என்னையும் எனது இரு பெயர்களையும் உனதாக்கினாய்.

" லவ் யூ லவ் யூ லவ் யூ லவ் யூ லவ் யூ லவ் யூ லவ் யூ லவ் யூ லவ் யூ லவ் யூ லவ் யூ லவ் யூ - சுதா விஜய்."
-காலை உன் மெஸேஜில் விழிக்கிறேன்.

"ஆமா. நான் நல்லாயில்லதான். சொல்லிட்டல்ல. எவ வேணுமோ அவகிட்ட போ."
-விளையாட்டாய் சொன்னது தெரிந்தும் பொய் கோபம் கொண்டாய்.

"எங்க பாத்தாலும் நீதான்டா தெரியிற. சொல்லுடா. நான் என்ன பண்றது. பேசாமா இங்கயே வந்துடுடா"
-எனக்கு சென்னைக்கு மாற்றலாகி ஒருவாரமாகியிருந்தது.

"ஒன்னும் டென்ஷன் எடுக்காத. நான் எப்பவும் உன்கூடதான் இருப்பேன்."
-நம் திருமணத்தைப் பற்றி பேச்செடுக்கும் போதெல்லாம் சொல்வாய்.

"டேய்! நான் அப்புறம் போன் பண்றேன்டா."
-பதிலுக்கு எதிர்பாராமல் தொடர்பைத் துண்டிக்கிறாய். சுவருக்கும், தெறித்த விழுந்த செல்போனுக்கும் வலியிருக்காது. அவைகள் காதலிப்பதில்லை.

உன் திருமண அழைப்பிதழ் கொரியரில் வந்தது. பிரித்துப் படிக்க மனமில்லை.

"சென்றதினி மீளாது மூடரே!நீர்
எப்போதும் சென்றதையே சிந்தை செய்து
கொன்றழிக்கும் கவலையெனும் குழியில் வீழ்ந்து
குமையாதீர்!சென்றதனைக் குறித்தல் வேண்டாம்.
இன்றுபுதி தாய்ப்பிறந்தோம் என்று நீவிர்
எண்ண மதைத் திண்ணமுற இசைத்துக் கொண்டு
தின்றுவிளை யாடியின்புற் றிருந்து வாழ்வீர்;
தீமையெலாம் அழிந்துபோம்,திரும்பி வாரா."

யார் எழுதினது? பாரதியாரா? அய்யய்யோ, பாரதி! உனக்குமா இந்த கொடும நடந்துச்சு!

நெட்டவேலம்பட்டி

2006-11-27T13:35:00.000+05:30

நல்லகாலம், மழை வந்து பசேல்னு இருக்கு. ஒரு வருஷம் முன்னாடி கொடும...

ஊரு சந்தோஷமா செழிப்பா இருப்பது, குழந்தைகள் முகத்தில் தெரியும்.

"நான் என்ன கைநாட்டா?"

2006-11-23T17:03:00.000+05:30

Finger Print Security Access System முன்பு ஒரு விஞ்ஞானி கேட்டுக்கொண்டிருக்கிறார், "நான் என்ன கைநாட்டா?".

இந்த வாரம் ஆனந்தவிகடன் "கற்றதும் பெற்றதும்" பகுதியில் சுஜாதா அவர்கள் அறிவித்த போட்டிக்கு என்னுடைய பங்களிப்பு. ஒரே வரியில் ஒரு அறிவியல் கதை. ஒரு வாரத்திற்குள் படைப்பை அனுப்பி பங்கேற்க என்னால் இயலவில்லை.

பூத்தாலும் காயா மரம்...

2006-11-22T12:40:00.000+05:30

பழமொழி நானூறு - 93ம் பாடல்

பூத்தாலும் காயா மரம் உள; மூத்தாலும்
நன்கு அறியார் தாமும் நனி உளர்; பாத்தி
விதைத்தாலும் நாறாத வித்து உள; பேதைக்கு
உரைத்தாலும் தோன்றாது உணர்வு.

முதல் வரியை தவிற வேறெதும் புரியவில்லை.தெரிந்தவர்கள் தயவு செய்து விளக்கவும்.தியாகராஜன்.ரெங்கராஜன்@ஜீமெயில்.காம்

ட்டுர்ர்ர்ர்ர்ர்.....

2006-11-17T22:12:00.000+05:30

(அண்ணா நகர் 12வது மெயின் ரோடு 3வது ஆட்டோ ஸ்டேண்டு)
"இந்தாப்பா ஆட்டோ அப்பல்லோ வருமா?..."
ட்டுர்ர்ர்ர்ர்... ட்டுர்ர்ர்ர்ர்...

"பாத்து என்னய புடிச்சி உக்காந்துக்க. இவனுங்க ஓட்டுற ஓட்டுல..."
ட்டுர்ர்ர்ர்ர்... ட்டுர்ர்ர்ர்...ட்டுர்ர்ர்...

(சாந்தி காலனி சிக்னல் 11 10 9 8 7 6 5 4 3 2 1)
ட்டுர்ர்ர்ர்ர்... ட்டுர்ர்ர்ர்...ட்டுர்ர்ர்...
"இப்பிடிதான் மூணு வருஷம் முந்தி உங்கப்பா 110 ரூபாய ஆட்டோல மிஸ் பண்ணிட்டாராம். இவனுங்கள நம்பவே கூடாது."
ட்டுர்ர்ர்ர்ர்... ட்டுர்ர்ர்ர்...ட்டுர்ர்ர்...
"எதுக்குப்பா இப்படி சந்து சந்தா சுத்தற... காசு நான்ல தர்றேன்."
ட்டுர்ர்ர்...

(கீழ்பாக் சிமெட்ரீ ரோடு)
"இவங்க மீட்டர்ல வெக்கற சூட்ல தான் இன்னைக்கு வெயில் 45 டிகிரிய தொடுது."
ட்டுர்ர்ர்ர்...ட்டுர்ர்ர்...

(சங்கம் தியேட்டர் எதிரில் அப்பல்லோ)
"அம்மாடி ஒருவழியா வந்துட்டான்டி. எவ்ளோப்பா ஆச்சி?..."

"நம்ம வண்டி பிரசவத்துக்கு இலவசம்மா..."

அம்மாவும் பெண்ணும் வாயடைத்து நின்றனர்.

சூடு போட்டுக் கொண்ட பூனை நான்

2006-11-13T19:54:00.000+05:30

ஓங்கி ஒலிக்கும்
கெட்டிமேளத்தில்
அமுங்கிப் போகிறது
யாரோ ஒருத்தரின்
விசும்பல் சத்தம்
எப்பொதும்.
-"வலி" என்ற தலைப்பில் வித்யாஷங்கர் அவர்கள் ஆனந்தவிகடன் முத்திரைக் கவிதையாக எழுதியது.

முன்னரே படித்திருக்கிறேன். இந்த கவிதையை என்னுடைய கற்பனை என தவறாக எண்ணி, "மேளச் சத்ததில்..." என்று பதிவு செய்ததற்கு மன்னிக்கவும். என் நண்பன் சிவசங்கர் அல்லது வேறொருவர் சுட்டிக்காட்டும் முன் என் தவறை நானே திருத்திக்கொண்ட வரையில் எனக்கு சந்தோஷமே...

ரெண்டே வார்த்தை...

2006-11-11T10:06:00.000+05:30

சுஜாதா அவர்களின் "சிறு சிறு கதைகள்" படித்துவிட்டு, நான் முயற்சி செய்த இரண்டு வார்த்தைக் கதை.

தலைப்பு: பலிகொடுப்பவனும் பலிகடாவும் வேண்டிக்கொண்டது.
கதை: "கடவுளே, காப்பாத்து!"

மூதுரை - 2ம் பாடல்

2006-11-10T23:23:00.000+05:30

நல்லார் ஒருவர்க்குச் செய்த உபகாரம்
கல்மேல் எழுத்துப் போல் காணுமே - அல்லாத
ஈரமிலா நெஞ்சத்தார்க்கு ஈந்த உபகாரம்
நீர் மேல் எழுத்துக்கு நேர்

நல்லவருக்கு நாம் செய்த உதவி கல் மேல் எழுத்து போல நீடித்துக் காணப்படும் என்றும், ஈரமிலாத நெஞ்சத்தார்க்கு செய்த உதவி நீர் மேல் எழுத்துப்போல் என்றும் கூறப்பட்டுள்ளது.

இதில் எனக்கு சந்தேகம் என்னவெனில், காணப்படும் என்பது யாரால்? உதவி பெறுபவராலா, உதவி செய்யும் நம்மாலா அல்லது ஒரு மூன்றாம் நபராலா?

உதவி பெறுபவர் நாம் செய்த உதவியை நினைத்துக்கொண்டே இருக்கவேண்டும் என்று எதிர்பார்ப்பது தவறில்லையா? நாம் பிறருக்கு ஒரு கையால் செய்த உதவி மறு கைக்கே தெரியக்கூடாது என்றெங்கேயோ படித்த ஞாபகம். அப்படியிருக்க, நாம் அதை கல்மேல் எழுத்துபோல நினைத்துக்கொண்டேயிருக்கலாமா? நாம் பிறருக்கு செய்த உதவி மூன்றாமவருக்கு தெரியலாமா?

நான் கேட்பது சத்தியமாக விவாதமல்ல. என் தேடலுக்கான விடை. தயவு செய்து என்னை தெளிவடையச் செய்யவும்.

மேளச் சத்ததில்...

2006-11-10T11:16:00.000+05:30

ரொம்ப வருஷமாவே என் மனசை அறுத்துக் கொண்டிருந்த வார்த்தைகள். இப்போது தான் எழுத்தாக்க முடிந்தது.

"ஓங்கி ஒலிக்கும்
மேளச் சத்ததில்
கேட்கப்படாத விசும்பல் ஒலி."

எல்லோருக்கும் கல்யாணத்திற்கு முன்னொரு காதல் இருந்ததாக பலமாக நம்புகிறேன். வேறொருவரை காதலித்த மணப்பெண்ணோ, மணமகனோ அல்லது அவர்களை ஒருதலையாக காதலித்தவர்களின் விசும்பல் ஒலி மேளச்சத்ததில் கேட்கப்படாமல் போவது உறுதி.

பட்டாம்பூச்சி பறக்குது...

2006-11-02T20:49:00.000+05:30

நாளைக்கு பெங்களூர் (பெங்களூரூ) போகிறேன். என்னோட ஃப்ரெண்டுக்குக் கல்யாணம் வரும் திங்கள்கிழமை. ஆப்ரேஷன் முடிந்து முதல் பயணம். ட்ரெய்ன்ல போறதால ஒன்னும் பிரச்சனை வராதுன்னு நினைக்கிறேன்.

பெங்களூரைப் பற்றி நினைக்கும் போதே மனசில ஒரு பட்டாம்பூச்சி பறக்குது. ஒரு உற்சாகம் கிடைக்குது. நான் பெங்களூரிலிருந்த ஒன்றரை வருஷம் என்னால மறக்க முடியாதது. காலை தரையில் ஊன்றி நடக்காத காலம். எப்பொதும் ஏதோ ஒரு விஷயம் என்னை மிதக்க வைத்துக்கொண்டே இருந்தது. சரி இறந்த காலம் பற்றி பேசிப் புண்ணியமில்லை.

வேறென்ன...

அர்த்தம் புரிந்தவர்கள்...

2006-11-01T22:51:00.000+05:30

இதை நான் எங்கையோ படித்திருக்கிறேன். இதன் அர்த்தம் புரிந்தவர்கள் தயவு செய்து எனக்கும் சொல்லவும்.

"எனக்காக எதையும் வைத்துக்கொள்ளாதபோது, என்னிடமிருந்து எவரும் எதையும் எடுத்துக்கொள்ள முடியாது."

ப்ரேக் பிடிக்கல...

2006-11-01T21:55:00.000+05:30

பொதுவா நான் இந்த forwarded SMSஐ படிப்பதில்லை. ஆனா இன்னைக்கு மதுபரத் அனுப்பிய ஒரு ஜோக்கை ரசித்தேன்.

ஆசிரியர்: ஏன்டா சைக்கிளை எம்மேல மோதின?
மாணவன்: ப்ரேக் பிடிக்கல சார்.
ஆசிரியர்: ப்ரேக் நல்லாதானடா பிடிக்குது.
மாணவன்: ப்ரேக்க நான் பிடிக்கல சார்.

இதெப்படி இருக்கு...

கவித... கவித...

2006-10-31T21:19:00.000+05:30

அட்ரஸ் ஒன்றை தேடுவதற்காக போன வருஷ டைரியை புரட்டிக் கொண்டிருக்கையில் நான் எழுதிய கவிதை ஒன்று கண்ணில் பட்டது.

"நீ பிறப்பதற்கு முன்னரே
நிலவைப் பார்த்தவன் நான்.
அது இவ்வளவு பிரகாசமாயிருக்கவில்லை."

ஆகஸ்ட், 2005ல் எழுதப்பட்டிருக்கிறது.

இடஒதுக்கீடு

2006-10-30T00:04:00.000+05:30

மதுபரத் வீட்டுக்கு வந்திருந்தான். வேற ஏதோ பேசிக்கிட்டு இருக்கும் போது இட ஒதுக்கீடு பற்றி ஒரு பேச்சு வந்தது. காலேஜ் மற்றும் வேலை வாய்ப்பில் பொருளாதார வசதியில் பின் தங்கிய மற்றும் கிராமப்புற மாணவர்களுக்கு மட்டுமே இடஒதுக்கீடு அளிக்கப்பட வேண்டும் என்பது என் வாதமாக இருந்தது. நீங்க என்ன சொல்றீங்க?

பட்டாதான் தெரியும்

2006-10-28T20:33:00.000+05:30

திரு எப்பவும் போல மிஸ்ட் கால் குடுத்திருந்தான். கால் பண்ணினேன். மழையில் சரியா ரோடு பார்க்க முடியாம ஆக்ஸிடென்ட். என்னை மாதிரி நீங்களும் பயப்பட வேண்டாம். சின்ன அடிதானாம். மழைக்காலத்துல பாத்து வண்டி ஓட்டுங்கடா! பட்டாதான் தெரியும் அதோட வலி.

கண்ணும் கண்ணும் நோக்கியா...

2006-10-27T14:11:00.000+05:30

அக்டோபர் 19, 2006. தீபாவளிக்கு முந்தைய தினம். அன்று மட்டும் இந்தியாவில் நாலு லட்சம் நோக்கியா மொபைல் போன்கள் விற்பனையாகி உள்ளன. இதற்கு முன் உலகெங்கிலும் ஒரே நாளில் ஒரு லட்சம் போன்கள் விற்கப்பட்டது சாதனையாக இருந்தது. இதில் கவனிக்கப்பட வேண்டிய விஷயம் 30% போன் விற்பனை, சிறு நகரங்கள் மற்றும் கிராமங்களிலிருந்து. இந்தியா முன்னேறுகிறதா?

கடன் அன்பை முறிக்கும்

2006-10-27T12:07:00.000+05:30

இந்த மாதிரி விளம்பரம் தினமும் நியூஸ்பேப்பரில் வருவதை பார்த்திருக்கிறேன். நீங்களும் பார்த்திருப்பீர்கள். என்ன தோன்றியது இதைப் பார்க்கும் போது? எனக்கு இந்த விளம்பரம் பார்க்கும் போது நிறைய சந்தேகங்கள் எழுந்தன.
முதலில், ஒரு தேசிய மயமாக்கப்பட்ட வங்கியில் கடன் வாங்கும் போது, தவணையைக் கட்டத் தவறினால், இதுபோல் வாடிக்கையாளர்களின் வராலாறு அம்பலப்படுத்தப்படும் என்பது அவர்களுக்குத் தெரிவிக்கப்பட்டிரிக்குமா?
இரண்டாவது, கடனை வசூலிக்கும் முறை: கடனாளியை அவரின் நண்பர்கள், உறவினர்கள் முன்னிலையில் அவமானப்படுத்தி வசூலிப்பது கந்துவட்டிக்காரர்களின் பாணி. வங்கிகள் "நாணயம் தவறிய கடன் தாரர்கள்" என்று விளம்பரப்படுத்துவதும் அதே நோக்கில் தானே. என்ன வித்தியாசம் கந்துவட்டிக்காரனுக்கும் வங்கிகளுக்கும். கடனை வசூலிப்பதில் தவறில்லை. அதற்கு இது மட்டுமே வழியில்லை. மாற்று வழியை என்னிடம் வங்கிகள் கேட்டால், அவை வங்கிகளில்லை.
மூன்றாவது, பத்திரிக்கைகள் இதைப்பற்றி அமைதியாக இருப்பது. அவர்களுடைய விளம்பர வருமானம் பாதிக்கப்படுமோ?